Vou despedirme por última vez e dicirche que todo acabou para sempre. Eu comprendín que non quero volver nunca máis a este soño de amor que ti sentes. Sei que esta noite chorarás por culpa deste adeus que vai encher de sombras un pasado que morreu. Vou despedirme por última vez e dicirche que non era amor este amor.
about
Ana Kiro é unha das iconas máis rotundas que temos no país a nivel musical, pero non sempre se lle recoñeceu o mérito, como pasa con moitas artistas populares. Nós quixemos reivindicala indo a unha parte da súa carreira que aquí é máis descoñecida: nos anos 60 e 70, Ana estaba aínda emigrada en Barcelona e gravaba para o selo Belter en castelán. Os seus discos desa época non nos emocionan polo pouso galego das letras e as músicas, senón simplemente polo estupenda que era como cantante, e se cadra un dos temas que mellor o amosan é “Por última vez”, que é unha canción de ruptura moi emotiva e na que Ana soa delicada e poderosa a un tempo. Nós tentamos manter ese espírito, pero adaptamos a letra ao galego con algún pequeno cambio e fixemos tamén algunhas alteracións no musical: hai un par de engadidos que cambian a estrutura, non temos o órgano da versión de Ana pero si que incorporamos sons novos nos sintetizadores e as guitarras, coros… e claro, unha voz completamente diferente. Se nos achegamos un pouco a ese carácter delicado e poderoso da orixinal xa podemos estar contentos.
credits
released January 13, 2022
Reinterpretación do tema “Por última vez” de Ana Kiro (Belter, 1967) a mans de Ataque Escampe para Deleite e Tremendo Audiovisual.
Música orixinal de Mario Sellés e letra de Vicente Beltrán, adaptada ao galego por Ataque Escampe.
Produción artística do Hevi.
Gravada e mesturada por Carlos Quintá n’As Gonzalinhas (Lalín) en xuño de 2021 coa colaboración de Alberto Quintá; masterizada por Carlos Hernández en El Castillo Alemán (Pedrezuela).
Deseño gráfico de Ataque Escampe sobre unha foto de Bea López.
Con:
Julio Vilariño Cabezas: sintetizadores
Cibrán Tenreiro: batería, pandeireta, carillón e crótalos
Lois G. Carlín: baixo e coros
Miguel Mosqueira: guitarra e coros
Samuel Solleiro: guitarra
Álex Charlón: voz
Brighton quartet Zooni round out their slick, ultra-rhythmic art rock vision with smart lyrics and ever-shifting dynamics. Bandcamp New & Notable Oct 7, 2020
San Francisco singer-songwriter and trumpeter Max Daniel gilds straight-shooting pop hooks with orchestral splendor and wry lyricism. Bandcamp New & Notable Aug 26, 2020